कोरोना २०२०

कोको करत वर्षाची सुरुवात कोरोनाने झाली

लाॅकडाऊनमुळे बेरोजगारीची पाळी आली

सरकारी कर्मचारी काम करत राहिले

प्राइवेट कर्मचारी काही महीने घरीच राहिले

दिवाळीनंतर कोरोनाच्या पेशंटमध्ये कमी आली

लोकांच्या मनातून कोरोनाची भिती कमी झाली

वर्षाच्या शेवटी वैक्सिन येण्याची चाहूल आली

अखेर कोरोनाचा अंत होण्यास सुरुवात झाली

-- लेखक शंकर मराठे

सुप्रसिद्ध संगीतकार नरेंद्र भिडे यांचे हृदयविकाराच्या झटक्याने निधन

शंकर मराठे - पुणे, १० डिसेंबर, २०२० :सुप्रसिद्ध संगीतकार नरेंद्र भिडे यांचे आज (१० डिसेंबर) रोजी पहाटे, हृदयविकाराच्या झटक्याने दुखःद निधन झाले, ते ४७ वर्षांचे होते. भिडे यांच्या पाश्चात आई,वडील, पत्नी मुक्ता आणि दोन मुले असा परिवार आहे.गुरुवारी दुपारी 12 च्या सुमारास वैकुंठ स्मशानभूमी येथे नरेंद्र भिडे यांच्या पार्थिवावर अंत्यसंस्कार करण्यात आले.

सिव्हिल इंजिनियरची पदवी घेतलेल्या संगीतकार नरेंद्र भिडे यांनी अनेक नाटक, मालिका, मराठी चित्रपट संगीतबद्ध केले आहेत. त्यांनी भारतीय शास्त्रीय संगीताचे शिक्षण उस्ताद महंमद हुसेन खान साहेब, स्वरराज छोटा गंधर्व, बाळासाहेब मते, शैला दातार, सुधीर दातार, सुहास दातार यांच्याकडे तर पाश्चिमात्य संगीताचे शिक्षण हेमंत गोडबोले यांच्याकडे घेतले. त्यांनी अनेक नाटक, मालिका,चित्रपट, जिंगल्स च्या माध्यमातून संगीतक्षेत्रात आपली स्वतंत्र ओळख निर्माण केली होती. त्यांना झी गौरव (पाच वेळा), सह्याद्री सिने अवॉर्ड,  राज्य नाट्य पुरस्कार (दोन वेळा), व्ही शांताराम पुरस्कार, श्रीकांत ठाकरे पुरस्कार, म. टा. सन्मान, राज्य चित्रपट पुरस्कार आदि विविध पुरस्काराने सन्मानित करण्यात आले होते.  
 

डॉन स्टुडिओ इथे अंत्यदर्शनासाठी आणि वैकुंठ स्मशानभूमी येथे अत्यंसंस्कारासाठी पुण्याचे महापौर मुरलीधर मोहोळ, प्रविण तरडे, डॉ. अरुणा ढेरे, गिरीश कुलकर्णी, मुकुंद संगोराम, अवधूत गुप्ते, आनंद भाटे, राहुल देशपांडे, रघुनंदन पणशीकर, डॉ. शैला दातार, विवेक परांजपे, किरण यज्ञोपवीत, हृषीकेश रानडे, विभावरी देशपांडे, योगेश देशपांडे, राजेश दातार, हृषीकेश जोशी,  संदीप कुलकर्णी, राजू जावळकर, आदित्य ओक, राहुल रानडे, आनंदी जोशी, संदीप उबाळे, केतकी माटेगावकर,आर्या आंबेकर, सावनी रवींद्र, सुवर्णा माटेगावकर, सावनी शेंडे, बेला शेंडे, मृण्मयी देशपांडे, त्यागराज खाडिलकर,माधव अभ्यंकर, सुनील अभ्यंकर, रमेश परदेशी, देवेंद्र गायकवाड, जितेंद्र भुरुक, मिलिंद शिंत्रे, अजय पुरकर,अमोल बावडेकर, समीर हम्पी, केदार आठवले, धर्मेंद्र बोरा,हेमंत गुजराथी, किरण दगडे पाटील, सुनील महाजन,प्रकाश पायगुडे, नितिन सुपेकर  यांच्यासह साहित्य, नाट्य,चित्रपट क्षेत्रातील मान्यवर उपस्थित होते.

 
 

नरेंद्र भिडे यांची सांगीतिक कारकीर्द 

चित्रपट – सरसेनापती हंबीरराव (आगामी), मुळशी पॅटर्न,रानभूल, पुष्पक विमान, त्या रात्री पाऊस होता, हिप हिप हुरे, पाऊलवाट, उबंटू, हंपी, अनुमती, दिल ए नादान (बायोस्कोप), देऊळ बंद, कलम ३०२, साने गुरुजी,  लेथ जोशी, शासन सिंहासन, चौदहवी का चाँद, आंधळी कोशिंबीर, आघात, शेवरी, रमा माधव, एलिझाबेथ एकादशी, यशवंतराव चव्हाण, हरिश्चंद्राची फॅक्टरी,  मालक,मसाला, समुद्र, 66 सदाशिव, होम स्वीट होम, चाँद फिर निकला (हिन्दी) याशिवाय श्वास, सरीवर सरी, माती माय सह अनेक चित्रपटांना पार्श्वसंगीत.  

 

नाटके -   कोण म्हणत टक्का दिला?, माकडाच्या हाती शॅम्पेन, काटकोन त्रिकोण, चिरंजीव आईस, चांदणे शिंपीत जा, हमीदाबाईची कोठी, जोडी तुझी माझी, एक झुंज वाऱ्याशी, गोडी गुलाबी, फायनल ड्राफ्ट, लव्ह बर्डस, व्हाईट लिली अँड नाईट रायडर, अलीबाबा आणि ४० चोर, छापा काटा, आषाढातील एक दिवस, संगीत गर्वनिर्वाण.

   

मालिका – अवंतिका, ऊन पाऊस, साळसुद, घरकुल, मानो या ना मानो, पळसाला पाने पाच, भूमिका, पेशवाई, नूपुर,अबोली, श्रावण सरी, सुर – ताल, कॉमेडी डॉट कॉम, फुकट घेतला शाम, अमर प्रेम इत्यादि.

 

 

VEDIO BITE LINK

https://drive.google.com/drive/folders/1cLGUT184VsIV9n78e1o2Ya3C_jkyXFbL?usp=sharing